ចេក គឺជាផ្លែឈើម្យ៉ាង ដែលមានរសជាតិឈ្ងុយឆ្ងាញ់ ហើយយើងអាចរកទិញបានស្ទើរគ្រប់ទីផ្សារ។
ចំពោះផ្លែចេកទុំផ្ទុកទៅដោយស្ករបីប្រភេទ និងកាកសរសៃដ៏ច្រើន ហើយនេះក៏ជាមូលហេតុ ដែលផ្លែចេកផ្តល់ថាមពលដល់យើងបានយ៉ាងលឿន។
ផ្លែចេក ត្រូវបានគេបញ្ជាក់ថា មានគុណសម្បត្តិក្នុងការបំបាត់បញ្ហាមួយចំនួន ដែលជាធម្មតាបញ្ហានោះអាចឲ្យយើងឈានដល់ការប្រើប្រាស់ថ្នាំគ្រាប់។
បញ្ហាដែលការទទួលទានផ្លែចេកអាចដោះស្រាយបានមានដូចជា៖
អាការមុនមករដូវ ៖ ផ្លែចេកសម្បូរទៅដោយវីតាមីន B6 ដែលមានឥទ្ធិពលវិជ្ជមាន ក្នុងការរក្សារជាតិស្ករក្នុងឈាម ហើយវាក៏ត្រូវបានគេដឹងដែលថាវីតាមីន B ធ្វើការបានយ៉ាងល្អ សម្រាប់អាការមុនមករដូវ។ វាជួយកាត់បន្ថយការឈឺចាប់ក្នុងពោះនិងទ្រូង កាត់បន្ថយការផ្លាស់ប្តូរអារម្មណ៍ និងការប្រមូលផ្តុំជាតិទឹកនៅក្នុងរាងកាយ ។
សម្ពាធឈាម ៖ ការទទួលទាន សារធាតុសូដ្យូមក្នុងកម្រិតខ្ពស់ និងសារធាតុប៉ូតាស្យូមក្នុងកម្រិតទាប មានឥទ្ធិពលអវិជ្ជមានលើសម្ពាធឈាម ។ ដោយសារតែវាជាការសំខាន់ ក្នុងការទទួលទានសារធាតុប៉ូតាស្យូមឲ្យបានគ្រប់គ្រាន់ ដែលវាមានក្នុងផ្លែចេក ។ ជារៀងរាល់ព្រឹក អ្នកគួរតែបរិភោគផ្លែចេកមួយផ្លែ វានឹងជួយរក្សានូវសម្ពាធឈាមបានល្អបំផុត ។
ភាពតានតឹង ៖ ភាពតានតឹងត្រូវបានគេស្គាល់ថា ជាជំងឺនៃសម័យទំនើប ដែលវាបន្តផ្តល់ផលប៉ះពាល់យ៉ាងខ្លាំងចំពោះសុខភាពរបស់យើង ។ ភាពតានតឹងបង្កើនល្បឿនការធ្វើមេតាបូលីស ហើយធ្វើឲ្យកម្រិតនៃសារធាតុប៉ូតាស្យូម ធ្លាក់ចុះក្នុងរាងកាយ។ បញ្ហានៃតុល្យភាពនេះ អាចធ្វើឲ្យប្រសើរឡើងវិញ ដោយការបរិភោគផ្លែចេក ដែលមានជាតិប៉ូតាស្យូមគ្រប់គ្រាន់ ក្នុងការជួយឱ្យចង្វាក់បេះដូងលោតធម្មតា បញ្ជូនអុកស៊ីសែនទៅខួរក្បាល និងរក្សាលំនឹងដែលល្អបំផុតនៃជាតិទឹកក្នុងរាងកាយ ។
ហើមពោះនិងទល់លាមក ៖ ចេក មានផ្ទុកសារជាតិ pectin ដែលបង្កើនល្បឿនដល់ ការរំលាយអាហារ និងជំរុញឱ្យមានការបញ្ចេញជាតិពុល និងលោហៈធ្ងន់ពីរាងកាយ។ លើសពីនេះទៀត ចេកមានសារធាតុប្រូបៃអូតិច រំញោចដល់ពោះវៀន។ កត្តាទាំងអស់នេះ កាត់បន្ថយអាការហើមពោះ ខណៈពេលដែលផ្លែឈើធ្វើឲ្យសក់ទន់នេះ ភ្ញោចពោះវៀនឲ្យដំណើរការ និងមានតួនាទីជាថ្នាំបន្ទន់លាមកធម្មជាតិ សម្រាប់ការទល់លាមក ។
ជំងឺបាក់ទឹកចិត្ត ៖ Tryptophan ជាធាតុផ្សំមួយក្នុងផ្លែចេក វាជាប្រូតេអីុនដែលភ្ញោចការបញ្ចេញនៃអ័រម៉ូន serotonin ។ ផ្លែចេកតែមួយផ្លែ គឺគ្រប់គ្រាន់ដើម្បីបង្កើនកម្រិតនៃសារធាតុ serotonin ហើយអ្នកនឹងមានអារម្មណ៍ស្ងប់ស្ងាត់ និងរីករាយ ៕
