អ្នកអាចបង្កើនសម្រស់ស្បែក ជាមួយនឹងរូបមន្តម៉ាសធម្មជាតិដ៏ងាយស្រួលមួយដែលអាចលុបបំបាត់ស្នាមសម្លាក ឬស្នាមជ្រួយបានយ៉ាងស័ក្កសិទ្ធនឹងឆាប់រហ័ស។
ម៉ាសមុខនេះអាចប្រឆាំងនឹងមុន ស្នាមជាំ និងស្នាមផ្សេងៗលើមុខរបស់អ្នក ហើយអ្នកអាចបង្កើតវាបានយ៉ាងងាយស្រួល។ ខាងក្រោមនេះគឺជារបៀបដែលធ្វើម៉ាសមុខ។
គ្រឿងផ្សំ មានដូចជា ទឹកឃ្មុំ១សា្លបព្រាកាហេ្វ ម្សៅចន្ទន៍គ្រឺះស្នា១ស្លាបព្រាកាហ្វេ ទឹកក្រូចឆ្មារ១ស្លាបព្រាកាហ្វេ និងម្សៅឈើអែម១ស្លាបព្រាកាហ្វេ។
សម្រាប់ការអនុវត្តន៍វិញគឺអ្នកត្រូវលាយគ្រឿងផ្សំទាំងអស់នៅក្នុងចានមួយរហូតដល់អ្នកទទួលបានលាយខាប់មួយ។ អ្នកអាចបន្ថែមទឹកឃ្មុំអោយច្រើនប្រសិនបើស្បែករបស់អ្នកងាយប្រតិកម្ម។ យ៉ាងណាក្តី អ្នកមានបញ្ហាសរសៃឈាមលើផ្ទៃមុខ មិនគួរប្រើប្រាស់វាទេ។ អ្នកក៏អាចបន្ថែមម្សៅចន្ទន៍គ្រឺះស្នា សម្រាប់ម៉ាសនេះផងដែរ។ បន្ថែមទឹកអោយច្រើនប្រសិនបើអ្នកចង់ឱ្យល្បាយនេះរាវបន្តិច។
នៅពេលលាបវា ចូរប្រាកដថាមិនលាបនៅលើភ្នែក និងមាត់។ បន្ទាប់ពីលាបរួចហើយ ទុកវាអោយស្ងួតប្រមាណ១០នាទី ទើបលាងសម្អាតមុខដោយទឹកក្តៅ ហើយលាបក្រែមរក្សាសំណើមស្បែក ជាការស្រេច។ ម៉ាសនេះគួរតែលាបអោយបានច្រើន នៅកន្លែងដែលមានបញ្ហា។ ប្រសិនបើអ្នកមានអារម្មណ៏រមាស់ ឬក្រហាយតិចតួចចូរកុំបារម្ភ ព្រោះថាម៉ាសនេះកំពុងបញ្ចេញប្រតិកម្មលើស្បែក។ អាការៈនេះនឹងបាត់ទៅវិញ ២ ទៅ ៣នាទីបន្ទាប់ពីលាបហើយ៕