វិធីធ្វើក្រែមធ្វើឱ្យស្បែកសនៅផ្ទះដោយខ្លួនឯងមួយនេះមានលក្ខណៈសាមញ្ញបំផុត ជួយសន្សំសំចៃ និងសុវត្ថិភាពជាងប្រភេទក្រែមដទៃផ្សេងទៀតដែលមិនច្បាស់លាស់ថែមទាំងមានគីមីច្រើនទៀតផង។ ពេលនេះ យើងខ្ញុំសូមណែនាំអ្នកទាំងអស់គ្នាពីវិធីលាយក្រែមខាត់ស្បែកជួយឱ្យស្បែកសទន់រលោងយ៉ាងមានប្រសិទ្ធភាព នោះគឺទឹកខ្មេះត្រាំជាមួយនឹងប្រទាលកន្ទុយក្រពើ។
របៀបធ្វើនោះគឺអ្នកត្រូវលាងប្រទាលកន្ទុយក្រពើឱ្យបានស្អាត រួចហាន់ជាកំណាត់ខ្លីៗ។ ដាក់កំណាត់ប្រទាលកន្ទុយក្រពើទៅក្នុងក្រឡកែវ ចាក់ទឹកខ្មេះផ្លែប៉ោមចូល 500មីលីលីត្រ ហើយត្រាំរយៈពេល 2ខែ។ បន្ទាប់មកដាក់ក្លាសេក្នុងទូរទឹកកកសម្រាប់ប្រើប្រាស់។ ស្បែកសពេញទាំងខ្លួនប្រាណក្រោយពេលប្រើឱសថទឹកនេះរួច។ អ្នកប្រើប្រទាលកន្ទុយក្រពើត្រាំដូចជាទឹកផ្កាកុលាបដែរ ដើម្បីជួយការពារស្បែកមានជាតិខ្លាញ់ ផ្ជិតប្រហោងមុខ និងបំបាត់មុនបានយ៉ាងមានប្រសិទ្ធភាព។
មិនតែប៉ុណ្ណោះទេ អ្នកក៏អាចប្រើទឹកខ្មេះប៉ោមត្រាំប្រទាលកន្ទុយក្រពើលាបពេញលើខ្លួន ក្រោយពេលងូតទឹករួច វានឹងជួយឱ្យស្បែកទន់ម៉ត់រលោង និងមានសំណើមល្អ។ ព្យាយាមប្រើឲ្យបានទៀងទាត់ អ្នកនឹងទទួលបានស្បែកសពេញទាំងខ្លួនប្រាណក្រោយពេលប្រើឱសថទឹកនេះរួច៕