មានសំនួរសួរថា មានអ្នកណាចូលចិត្តហិតក្លិនក្លៀកទេ? ចម្លើយនោះ គឺគ្មានមនុស្សណាចូលចិត្តនឹងក្លិនផ្អួរ ស្អុយក្លៀករបស់យើងទេ។
ក្លិនក្លៀកជាបញ្ហាដែលគ្នាយើងមួយចំនួនជួបប្រទះ ហើយវាក៏ជាកត្តាមួយដែលធ្វើឲ្យយើងបាត់បង់ទំនុកចិត្តមកលើខ្លួនឯងដែរ ទៅណាមកណាម្ដងៗ មិនហ៊ានលើកដៃខ្ពស់ មិនសូវមានអ្នកចង់ឈរក្បែរទេ ។
កុំបារម្ភ ខាងក្រោមនេះជាក្បួនធម្មជាតិៗ អាចកាត់បន្ថយក្លិនក្លៀកផ្អួរបាន។
យកក្រូចឆ្មាចិតជាចំណិតៗ រួចដុសត្រង់បរិវេណក្លៀករាល់ពេលដែលលោកអ្នកងូតទឹកសម្អាតកាយ។ ធ្វើបែបនេះរាល់ពេលងូតទឹកម្ដងៗ នោះក្លិនក្លៀកនឹងកាត់បន្ថយរហូតធំក្លិន។
យកក្រូចឆ្មាច្របាច់យកទឹក ២ ស្លាបព្រា លាយជាមួយស្ករសរ ១ ស្លាបព្រាកាហ្វេ កូរឱ្យសព្វក្លាយជាល្បាយ រួចយកមកលាបលើក្លៀកទុកចោលប្រហែល ១៥ នាទី លាងសម្អាតចេញជាការស្រេច។
យកដុំសាច់ជូរជ្រលក់ទឹក រួចមកត្រដុសក្លៀកដោយម៉ាស្សាថ្នមៗ ប្រហែល ១០ នាទី រួចលាងសម្អាតចេញ វាមិនត្រឹមតែជួយបំបាត់ក្លិនក្លៀកនោះទេ ថែមទាងជួយធ្វើឱ្យក្លៀកសទៀតផង។
ទន្ទឹមនឹងនេះដែរ ការណែនាំឱ្យលោកអ្នកប្រើប្រាស់ផលិតផលជួយទប់ស្កាត់ការបែកញើស និងកម្ចាត់ក្លិនមិនល្អនៃក្លៀក ជាជម្រើសល្អមួយមុននឹងលោកអ្នករៀបចំចេញដំណើរ។
បន្ថែមពីលើនេះទៀត បញ្ហាក្លិនក្លៀក គឺមានជាប់ទាក់ទងនឹងសុខភាព និងរបបអាហាររបស់អ្នក។ ដូច្នេះ លោកអ្នកគួរយកចិត្តទុកដាក់ក្នុងការអនាម័យខ្លួនប្រាណ ការរស់នៅ និងរបបអាហារ៕
