ចេកអាំងសម្បូរដោយគុណប្រយោជន៍ជាច្រើន ដែលធ្វើឲ្យអ្នកច្បាស់ជានឹកស្មានមិនដល់។ តើអ្នកដឹងទេថា ចេកមួយផ្លែផ្ទុកកាឡូរី ត្រឹម ៨៦ប៉ុណ្ណោះ ហើយវាក៏សម្បូរដោយកាកសសៃ និងជីវជាតិដែលមានគុណប្រយោជន៍ដល់រាងកាយផងដែរ។ ក្នុងនោះរួមមាន វីតាមីន B1,B2, B3, B, B6 និងអាស៊ីតហ្វូលីក ដែលក្រៅពីនេះក៏ជួយបង្កើនថាមពលមេតាបូលីសឹមក្នុងរាងកាយ និងជួយសុខភាពស្បែក សក់ និងក្រចក។ កាកសសៃជួយការពារ ការទល់លាម ការពារការឡើងកម្រិតជាតិស្ករក្នុងឈាម និងរារាំងការស្រូបយកកូលេស្តេរ៉ុលចូលក្នុងខ្លួន។
ប៉ូតាស្យូមជួយកាត់បន្ថយជាតិប្រៃចេញពីរាងកាយ បន្ថយសម្ពាធឈាម និងជួយកាត់បន្ថយការហើមនៅក្នុងខ្លួន។ វាកាត់បន្ថយអាលាក់ហ្សី និងជួយឲ្យអ្នកគេងលក់ស្រួល។ ចេកក៏សម្បូរដោយម៉ាញ៉េស្យូម ដែលជួយឲ្យអារម្មណ៍ធូរស្រាល និងមានស្មារតីរស់រវើក។ ខាងក្រោមនេះ ជាគុណប្រយោជន៍ផ្សេងៗទៀតរបស់ចេកអាំង។
ជួយប្រព័ន្ធភាពស៊ាំរាងកាយរឹងមាំ៖ នៅពេលពោះវៀនដំណើរការល្អ ប្រព័ន្ធភាពស៊ាំក៏ល្អទៅតាមនោះដែរ។ហេតុនេះ ចេកអាំងបានជួយដុតកម្តៅរាងកាយឡើង ដែលជាលទ្ធផលជួយឲ្យរាងកាយកាន់តែរឹងមាំ។
បំបាត់ការទល់លាមក៖ ចេកអាំង ជួយបង្កើន Oligosaccharide Sugar ដែលអាចបណ្តេញបាក់តេរីចេញពីពោះវៀនបានល្អ។ ពង្រឹងសុខភាពពោះវៀនបានល្អ ដែលជួយបំបាត់ការទល់លាមកបានសក្កិសិទ្ធ។
ជួយសម្រកទម្ងន់៖ ក្រៅពីជួយឲ្យប្រព័ន្ធរំលាយអាហារដំណើរការបានល្អ វាក៏មានសារៈប្រយោជន៍មួយទៀតដែលមិត្តនារីចូលចិត្ត គឺសម្រកគីឡូ។ ដូច្នេះសម្រាប់មិត្តនារីដែលចង់ញ៉ាំច្រើនមិនធាត់ អាចសាកល្បងជាមួយចេកអាំងបាន៕
