ប្រសិនបើលោកអ្នកមានបញ្ហាជំងឺក្រពះរើឡើង សូមផ្អាកទទួលទានអាហារទាំងអស់នេះ ពីព្រោះអាហារប្រភេទនេះ នឹងធ្វើឱ្យបញ្ហាឈឺក្រពះរបស់លោកអ្នកកាន់តែធ្ងន់ធ្ងរ ។
សូមកាត់បន្ថយការទទួលទានអាហារមានរសជាតិជូរ និងហឹរខ្លាំង មានខ្លាញ់ខ្ពស់ ភេសជ្ជៈផ្សំពីសារធាតុកាហ្វេអ៊ីន និងទឹកក្រូច បន្ថយការពិសាស្រា កាហ្វេ និងស្ករ ព្រោះអាហារទាំងអស់នេះ ជាមូលហេតុធ្វើឱ្យអាស៊ីដក្នុងក្រពះអាហារកើនឡើង ។
សូមផ្អាកការពិសាបារី ពីព្រោះផ្សែងបារីដែលស្រូបចូលបានបំផ្លាញសុខភាពសួត និងក្រពះ ដែលបង្កឱ្យអាការឈឺក្រពះកាន់តែយ៉ាប់យឺន ។
សូមកុំប្រើប្រាស់ថ្នាំអាស្ពីរីន ផ្ទុយទៅវិញប្រសិនបើអ្នកមានអាការឈឺក្រពះធ្ងន់ធ្ងរ សូមទៅប្រឹក្សានិងទទួលយកដំបូន្មានពីគ្រូពេទ្យ។
សូមចៀសវាងការទទួលទានឆ្អែតខ្លាំង ពីព្រោះវាធ្វើឱ្យក្រពះដែលកំពុងតែមានបញ្ហាហើយ ត្រូវមកចំណាយកម្លាំងថែមទៀតទៅលើការកិនអាហារ ៕