ការទទួលទានបានត្រឹមត្រូវនឹងធ្វើអោយយើងមានសុខភាពល្អប៉ុន្តែមានមនុស្សជាច្រើន ជ្រើសរើសការទទួលទានចំណីអាហារដែលមិនល្អដល់រាងកាយ ដោយសារភាពងាយស្រួល។ ការទទួលទានអាហារមិនល្អយូរៗទៅ នឹងនាំអោយរាងកាយមានជាតិពុលជាមិនខាន។ ទោះយ៉ាងណា យើងខ្ញុំមានរូបមន្ត ទឹកក្រឡុកបន្លែ ផ្លែឈើបណ្ដេញជាតិពុល និង កាកសំណល់មិនល្អពីក្នុងរាងកាយទាំងនេះ ។ រូបមន្តទាំងនោះមានដូចជា៖
រូបមន្ត ចេក និង ទឹកដោះគោស្រស់៖ យកទឹកដោះគោ ៥០០ មីលីលីត្រ និង ចេក ២ ផ្លែ កិនបញ្ចូល ទទួលទានបន្ទាប់ពីក្រោកពីគេងភ្លាមៗ ពោះទទេរ។ វាអាចជួយអោយប្រព័ន្ធរំលាយអាហារអ្នកដំណើរការកាន់តែប្រសើរ ហើយត្រូវបានណែនាំអោយទទួលទាន ៣ ថ្ងៃជាប់គ្នានឹងឃើញលទ្ធផលជាក់ជាមិនខាន។
រូបមន្ត ទឹកឃ្មុំ ទឹកដោះគោជូរ និង ក្រូចឆ្មារ៖ យកទឹកដោះគោជូរមួយកូនពែង ទឹកដោះស្រស់ ២៥០ មីលីលីត្រ ទឹកឃ្មុំមួយស្លាបព្រាកាហ្វេ ក្រូចឆ្មាមួយចំហៀង កូរអោយសព្វ ហើយទទួលទានភ្លាម។ ទឹកជួយបណ្ដេញជាតិពុលប្រភេទនេះ ត្រូវបានណែនាំអោយទទួលទានមុនម៉ោង ៧ ព្រឹកសម្រាប់អ្នកចង់កម្ចាត់ជាតិខ្លាញ់នៅបរិវេណក្បាលពោះ។
រូបមន្តទាំងនេះមិនត្រឹមតែជួយជម្រុះជាតិពុលនិង កាកសំណល់មិនល្អពីក្នុងរាងកាយប៉ុណ្ណោះទេ ថែមទាំងអាចជួយសម្រកជាតិខ្លាញ់ និង សម្រកគីឡូបានយ៉ាងមានប្រសិទ្ធភាពថែមទៀតផង។ ដូចនេះនៅចាំអ្វីទៀត តោះសាកល្បងទាំងអស់គ្នា៕