គ្រឿងផ្សំ
-សាច់គោកន្លះគីឡូ
-សាឡាត់៣ក្រាម
-ប៉េះប៉ោះ៤ផ្លែ
-ខ្ទឹមបារាំង២ផ្លែ
-តំឡូងបារាំង២ផ្លែ
-ត្រកួន២ក្រាម
វិធីធ្វើ
យកសាច់មកហាន់ជាដុំៗទំហំប៉ុនមេដៃ បន្លែត្រូវលាងអោយស្អាតដាក់កញ្ច្រែងទុកអោយស្រក់ទឹក បន្ទាប់មកយកសាឡាត់រៀននៅលើចាន ឬថាសដែលមានរាងពងក្រពើដើម្បីមើលទៅមានសោភណ្ឌភាព ហាន់ប៉េងប៉ោះស្តើងៗ រៀបពីលើសាឡាត់ ត្រកួនដែលបានចិតជាសរសៃឆ្មាៗរួចហើយនោះយកមកតម្រៀបដាក់ពីលើ ចំណែកឯតំឡូងបារាំងដែលបំពងហើយនោះត្រូវយកមកដាក់ពីលើដែរ លើកលែងតែខ្ទឹមបារាំងប៉ុណ្ណោះដែលត្រូវយកឆាជាមួយសាច់។ សាច់ដែលហាន់រួចត្រូវយកមកឆាដាក់គ្រឿងផ្សំដូចជា ទឹកត្រី២ស្លាបព្រាកាហ្វេ អំបិល១ស្លាបព្រា ប៊ីចេង១ស្លាបព្រា ស្ករត្នោត៣ស្លាបព្រា ហើយឆាត្រឡប់ចុះឡើងរហូតឆ្អិនសាច់ល្មមសឹមចាក់ម្សៅឆាដែលកូរជាមួយទឹកចូល គោះពងទាមួយគ្រាប់តាមចំណូលចិត្ត ហើយដួសសាច់ដាក់ពីលើបន្លែដែលរៀបរួចនោះជាការស្រេច មុខម្ហូបនេះគេក៏អាចជ្រលក់ជាមួយនឹងទឹកម្រេចក្រូចឆ្មាបានផងដែរ។