គ្រឿងផ្សំ
-ម្សៅអង្ករដំណើប ៣០០ក្រាម
-ម្សៅអង្ករខ្សាយ ៥ស្លាបព្រាបាយ
-ស្ករស ៥ស្លាបព្រាបាយ
-ខ្ទិះដូង១ចាន ធ្វើអោយនំកាន់តែមានរសជាតិឆ្ងាញ់ (ឬប្រើទឹកក៏បាន)
-ស្ករស ១ចានចង្កឹះ (ទុកក្រឡុកខាងក្រៅ)
ស្នូលនំ
-សណ្តែកលឿង ២៥០ក្រាម (ត្រាំទឹក២ម៉ោង ចំហ៊ុយអោយឆ្អិន)
-ប្រេងឆា ៤ស្លាបព្រាបាយ
-ស្លឹកខ្ទឹមហាន់ ២ស្លាបព្រាបាយ
-ខ្ទឹមក្រហម ១ដុំចិញ្ច្រាំ
-អំបិល កន្លះស្លាបព្រាបាយ
-ស្ករស ៤ស្លាបព្រាបាយ
របៀបធ្វើ
-មុនដំបូងយកម្សៅអង្ករដំណើប ម្សៅអង្ករខ្សាយ ស្ករស និងខ្ទិះដូង លាយចូលគ្នាកូរអោយទៅជាម្សៅ
-ពេលក្លាយជាម្សៅហើយ ច្របាច់ឬនួតវាទុក ១០-១៥នាទីអោយចូលជាតិខ្ទិះដូង
-យកប្រេងឆាដាក់ចូលក្នុងឆ្នាំងឬខ្ទះ រួចដាក់ខ្ទឹមក្រហមឆាអោយឈ្ងុយដាក់ស្លឹកខ្ទឹម សណ្អែកចំហ៊ុយ ស្ករស និងអំបិលឆាចូលគ្នាអោយស្អិតដាច់ទឹក (ធ្វើស្នូលនំ)
-យកស្នូលនំមកលុញជាដុំមូលតូចៗល្មម បន្ទាប់មកមកម្សៅ១ដុំស្មានមើលអោយត្រូវជាមួយស្នូលធ្វើអោយសំប៉ែត រួចដាក់ស្នូលនំពីលើបិតម្សៅអោយជិតរួចលុញអោយមូល
-បន្ទាប់ពីរួចរាល់ហើយ យកវាទៅដាក់ចៀនអោយឆ្អិនស្រង់ទុកសិន
-យកស្ករសដាក់ចូលក្នុងឆ្នាំង ដាក់ទឹកចូលបន្តិចកូរអោយស្កររាងស្អិត ដាក់នំដែលចៀនឆ្អិនចូលក្រឡុក ឬកូរអោយជាប់ស្ករជាមួយនំរួចទុកអោយស្ងួតជាកាស្រេច។
