គ្រឿងផ្សំ៖
– ខ្យង ត្រីរ៉ស់
– ស្លឹកក្រូចសើច គល់ស្លឹកគ្រៃ ម្ទេស
– អំបិលក្រួស អំបិលម៉ដ្ឋ ស្ករស ម្សៅស៊ុប និងគ្រឿងការីបុក
វិធីធ្វើ៖
1- ត្រីរ៉ស់ត្រូវយកទៅស្ងោររួចបុក។
2- គ្រឿងការីត្រូវរម្ងាស់ឲ្យឆ្អិនសឹមចាក់សាច់ត្រីបុកចូល ហើយថែមទឹកបន្តិច។
3- ចាប់ផ្ដើមបន្ថែមគ្រឿងផ្សំរសជាតិមាន អំបិល ស្ករស ម្សៅស៊ុប បន្តិច ហើយទុកមួយអន្លើសិន។
4- រីឯ ខ្យងត្រូវស្ងោរជាមួយគល់ស្លឹកគ្រៃ និងស្លឹកក្រូចសើច ដោយបង់អំបិលបន្តិច។
5- ខ្យងដែលស្ងោររួចត្រូវដួសត្រីបុកគ្រឿងការីញាត់ចូលខ្យងបន្ថែមទៀត រួចយកទៅចំហុយ។
6- អំបិលក្រួសត្រូវលីង រួចរៀបទ្រាប់បាតចាន សឹមដាក់ខ្យងពីលើ ហើយរោយសរសៃស្លឹកក្រូចសើច និងម្ទេសក្រហមនោះជាការស្រេច៕