ខ្ជាយជាឱសថរុក្ខជាតិដ៏ល្បីល្បាញយូរមកហើយ។ ដូច្នេះហើយ មានរូបមន្តសុខភាពធម្មជាតិជាច្រើនដែលត្រូវបានប្រើប្រាស់ជាមួយខ្ជាយ។
យ៉ាងណាមិញ នៅពេលនេះ យើងខ្ញុំនឹងលើកយកអំពីរូបមន្តទឹកខ្ជាយ ដែលអាចជួយមនុស្សវ័យចំណាស់អោយបានធូរស្រាលពីបញ្ហាឈឺឆ្អឹងឆ្អែង។
អ្វីដែលអ្នកត្រូវការមានដូចជា ខ្ជាយ ក្រូចឆ្មារ ទឹកឃ្មុំ និង ទឹក។
សម្រាប់វិធីធ្វើវិញ គឺអ្នកត្រូវយកខ្ជាយ ៣មើមកិនយកទឹករួចលាយជាមួយទឹកស្អាត ឲ្យបាន ១កែវ។ បន្ទាប់មកដាំវាឲ្យពុះរួចយកវាមករក្សាទុកឲ្យត្រជាក់បន្តិចប្រមាណ១៥នាទី។ លាយទឹកឃ្មុំមួយស្លាព្រាបាយនិងក្រូចឆ្មាពីរចំណិតជាមួយទឹកខ្ជាយនេះ។
សម្រាប់ការទទួលទានវិញគឺអ្នកត្រូវទទួលទាន ១កែវ ពេលព្រឹក និង ១កែវពេលល្ងាច មុនហូបអាហារ។ ៣សប្តាហ៍ក្រោយ នឹងទទួលបានលទ្ធផលហើយ ដោយអាការៈឈឺឆ្អឹងឆ្អែងនិងបានធូរស្រាលយ៉ាងប្រាកដ៕
