យើងដឹងហើយថា ត្របែកជាផ្លែឈើធម្មជាតិ ដែលមានសារធាតុចិញ្ចឹមល្អៗជាច្រើន។ ការទទួលទានផ្លែត្របែកមិនត្រឹមតែឆ្ងាញ់ទេ តែអ្នកនឹងទទួលបានសារធាតុល្អៗទាំងនោះទៀត។ បន្ថែមពីនេះ ក្រៅពីការទទួលទាន យើងក៏អាចយកផ្លែត្របែកមកធ្វើជាម៉ាសបិតមុខបានដែរ។ បើសិនជាលោកអ្នកកំពុងស្វែងរករូបមន្តម៉ាសមុខផ្សំពីផ្លែឈើធម្មជាតិ ដែលជំនួយដល់ស្បែកមុខនោះ អញ្ចឹងលោកអ្នកនឹងមិនខកបំណងទេជាមួយម៉ាសមុខផ្សំពីផ្លែត្របែក។
គ្រឿងផ្សំដែលអ្នកត្រូវការមានដូចជា ត្របែក១ផ្លែ និង ទឹកដោះគោ។
សម្រាប់ការអនុវត្តន៍វិញគឺអ្នកត្រូវយកផ្លែត្របែកមកពុះជាពីរ ហើយហាន់ជាចំណិតតូចៗ លាយជាមួយទឹកដោះគោ រួចយកទៅបំពោកលើមុខឲ្យបានប្រហែល ១៥ទៅ២០នាទី មុនធ្វើការលាងសម្អាតចេញវិញ។
តើរូបមន្តនេះមានគុណប្រយោជន៍អ្វីខ្លះ?
ក្នុងផ្លែត្របែកមានវីតាមីនC ដែលអាចជួយបង្កើតសរសៃទឹកប្រូតេអ៊ីន ក្នុងស្បែក និងផ្តល់សំណើមស្បែកលើផ្ទៃមុខឲ្យហាប់ណែន និងភ្លឺរលោង។ ត្រូវអនុវត្តរូបមន្តនេះ ក្នុងមួយសប្តាហ៍ ២ទៅ៣ ដង ឲ្យបានរយៈពេលមួយខែ នឹងទទួលលទ្ធផលគួរជាទីពេញចិត្ត។
ដោយសារផ្លែត្របែកសម្បូរទៅដោយសារធាតុចិញ្ចឹមជួយសម្រួល និងពង្រឹងប្រព័ន្ធរំលាយអាហារចៀសផុតពីជម្ងឺផ្សេងៗ ក្រៅពីនោះវាមានវីតាមីន C ដែលមានឱជារសទាក់ទាញការបរិភោគធ្វើឲ្យស្បែកភ្លឺរលោង និងមានប្រយោជន៍ដល់សុខភាពខ្លាំងណាស់ ៕
